Kandidati Bullakaj merr mbështetje masive në Rorschach

Të shtunën, më 26 shtator në Rorschach të kantonit të St. Gallenit është mbajtur një podium debati dhe pas tij një koncert në mbështetje të kandidaturës së Arbër Bullakajt për Parlamentin Nacional të Zvicrës. Në ë dyja aktivitetet kishin ardhur më shumë të interesuar se ishte pritur madje pati më tepër të interesuar se sa kishte vende në sallë, ishin rreth 800 veta. Në pjesën e koncertit  rreth 300 veta kanë mbetur jashtë.

Në debat kanë marrë pjesë deputeti në Dhomën e Kantoneve Paul Rechtsteiner , deputetja nacionale Claudia Friedl, deputetja nacionale Barabara Gysi dhe parlamentari i Wil-it, kandidat për deputet në Parlamentin Nacional Arbër Bullakaj.

Aktivitetin e ka mbështetur këshilli për mbështetjen e Arbër Bullakajt dhe organizatori Robert Ukaj nga Megaevent.

Të katër pjesëmarrësit në debat kanë bërë fjalë për politikat e Partisë Socialdemokrate lidhur me çështje të migracionit, integrimit etj.

Në pjesën e koncertit, publikun e kanë argëtuar yje të muzikës dhe humorit shqiptar si dhe Ansambli “Abëresha” nga Sirnach-u.