Kandidati i cili nuk ka mbajtur asnjë tubim elektoral

Ky është kryetari aktual i Hanit të Elezit, Rufki Suma, i cili ishte dhe mbetet kandidat i pavarur

Zgjedhjet Lokale në Kosovë do të mbahen më 22 tetor, ku fushata elektorale po shkon drejt fundit dhe kandidatët po japin ‘gjithçka’ për të marrë votën e qytetarëve.

Por, është edhe një kandidat, i cili nuk ka bërë asnjë tubim elektoral, pasi mendon që është e panevojshme.

Ky është kryetari aktual i Hanit të Elezit, Rufki Suma, i cili ishte dhe mbetet kandidat i pavarur, raporton “Klan Kosova”.

Ai thotë se puna e tij ka ‘folur gjithçka’ deri më tani dhe nuk ka mbajtur asnjë tubim, pasi nuk dëshiron që të lavdërohet për punët e tij, përcjell albinfo.ch.

Madje, edhe ato punë që po përfundojnë në këtë kohë, nuk dëshiron t’i shfaq. Por, ky nuk e mohon se ka takime me qytetarë, veçse ato thotë se i bënë me ftesën e tyre për vizita familjare, dhe atë pa ndonjë kosto elektorale.