Kapen 3 kosovarë të dyshuar se po planifikonin një sulm terrorist

Sipas gazetës “La Repubblica”, policia ka përgjuar prej disa muajsh telefonatat e personave të përmendur. Disa prej tyre gjatë bisedave telefonike kishin shprehur dëshirën për të luftuar në Siri

Policia italiane ka ndaluar mbrëmjen në mes të mërkurës dhe të enjtes  tre persona, të tre kosovarë, nën dyshimin se po planifikonin një sulm në Venedik. Është arrestuar po ashtu edhe një i mitur, shkruajnë mediat italiane.

Sipas gazetës “La Repubblica”, policia ka përgjuar prej disa muajsh telefonatat e personave të përmendur. Disa prej tyre gjatë bisedave telefonike kishin shprehur dëshirën për të luftuar në Siri.

Policia ka konfirmuar se ka bërë bastisje në 12 vende të ndryshme të qendrës historike të Venedikut.

Në njërin nga këto vende ata kanë gjetur dëshmi se të dyshuarit po përgatiteshin fizikisht dhe kishin shikuar videoxhirime të ISIS-it ku tregohen therje me thikë.