Karateistët e Kosovës do të paraqiten në Kampionatin Botëror të Karatesë për ekipet e meshkujve

Foto: Federata e Karatesë e Kosovës

Federata e Karatesë e Kosovës ka njoftuar se Federata Botërore e Karatesë (WKF) ka zyrtarizuar pjesëmarrjen e ekipit të meshkujve në Kampionatin Botëror të Karatesë për ekipe.

“Përveç ekipit të femrave, i cili tashmë është kualifikuar ndër 4 ekipet më të mira në botë, sot kemi pranuar njoftimin zyrtar se ekipi i meshkujve është përzgjedhur dhe do të marrë pjesë. Federata e Karatesë e Kosovës është jashtëzakonisht krenare dhe entuziaste për këtë lajm dhe për këtë pjesëmarrje historike”, thuhet në njoftimin e Federatës.