Kasami dhe Ajeti në formacionin e javës në Zvicër

Kasami dhe Ajeti kanë hyrë në formacionin e javës nga e përditshmja zvicerane ‘Blick’

Keystone

Futbollistët shqiptarë edhe një herë ishin protagonist në Superligën Zvicerane, përkatësisht në xhiron e tretë të zhvilluar në fundjavë.

Në këtë xhiro dy herë shënoi Pajtim Kasami, një herë Albian Ajeti dhe një herë Shkëlim Demhasaj.

Kështu, Kasami dhe Ajeti kanë hyrë në formacionin e javës nga e përditshmja zvicerane ‘Blick’.

Kasami shënoi dy gola për Sionin në fitoren 3:0 ndaj Xamaxit, derisa Ajeti në fitoren e Baselit prej 4:2 kundër Grasshoppersit, përcjell albinfo.ch.

Këto ishin golat e parë të Kasamit dhe Ajetit këtë sezon në Superligën e Zvicrës.

Kujtojmë që sezonin e kaluar, Ajeti ishte shpallur golashënuesi më i mirë i kampionatit.

11-shja nga Blick: Jonas Omlin (Basel), Andre Neitzke (Sion), Simon Grether (Luzern), Kevin Mbabu (Young Boys), Pascal Schürpf (Luzern), Pajtim Kasami (Sion), Shtjepan Kukuruzoviq (St. Gallen), Miralem Sulejmani (Young Boys), Christian Fassnacht (Young Boys), Albian Ajeti (Basel) dhe Cedric Itten (St. Gallen).