Këngëtari shqiptar përfaqëson Zvicrën në Eurovizion

Lajmi është publikuar nga faqja e Eurovizionit në rrjetet sociale

Tashmë është edhe zyrtare. Gjon Muharremi do të përfaqësojë Zvicrën në festivalin e muzikës evropiane, Eurovizion 2020, shkruan albinfo.ch.

Lajmi është zyrtarizuar nga faqja e Eurovizionit në rrjetet sociale. Këtë vit ky festival do të mbahet në Holandë.

https://www.facebook.com/EurovisionSongContest/photos/a.191849273006/10158118769048007/?type=3&theater

Kënga titullohet “Repondez-moi” (Përgjigjmu mua) dhe interpretuesi është Gjon’s Tears.

Vlen të theksohet se Gjon’s Tears është emri skenik i Gjon Muharremit. Ai gjithashtu interpreton në një grup me të njëjtin emër. Gjon është i lindur në Zvicër me një baba kosovar dhe nënë shqiptare.

Ai njihet tek shqiptarët, sidomos për paraqitjen e tij në ‘Albania’s Got Talent’ në vitin 2010 dhe së fundmi ai bëri emër në Francë vitin e kaluar duke u shfaqur në “The Voice”.

Ndërsa Shqipërinë në Eurovision, këtë vit do ta përfaqësojë Arilena Ara me këngën “Shaj”, të cilën do ta interpretojë në gjuhën angleze.

---