Kërcënohet me bombë Ambasada e Zvicrës

Një person ka kërcënuar stafin e Ambasadës së Zvicrës në Prishtinë për sulm me bombë, ndërsa pas intervenimit të policisë i dyshuari është arrestuar

Stafi i Ambasadës së Zvicrës në Kosovës është kërcënuar me bombë nga një qytetar i rajonit të Podujevës. Pas këtij kërcënimi përfaqësuesit e ambasadës kanë lajmëruar policinë e cila ka arrestuar në shtëpinë e tij të dyshuarin.

Sipas medieve në Prishtinë, i dyshuari është Muhamet Maqastenën nga fshati Dumush i Podujevës, por nuk dihen arsyet pse ai ka kërcënuar stafin konsullor e diplomatik të Zvicrës në Prishtinë.

Siç raporton “tribuna”, Policia e Kosovës ka shkuar në shpinë e Maçastenës për të arrestuar atë lidhur me kërcënimin, por ai nuk ka pranuar të dorëzohet. Madje ai me një kallashnikovë ka kërcënuar edhe patrullën e policisë.

“Policia kanë shkuar në shtëpinë e kërcënuesit dhe kanë tentuar ta arrestojnë, mirëpo ai ka shtënë në drejtim të policisë. Më pas kanë shkuar forcat e Njësisë Speciale me në krye komandantin, Arbresh Ajvazin i cili ka negociuar për shumë orë me me të, duke e bindur të dorëzohet”, thuhet në njoftim.

Policia Speciale ka bastisur shtëpinë e Muhamet Maçastenës, ndërsa ka konfiskuar një pushkë automatike AK 47.

Ndryshe, ky është rasti i parë që kërcënohet stafi i Ambasadës së Zvicrës në Prishtinë. Nuk dihet arsyet nëse Maçastenës nuk i është dhënë viza për në Zvicër, apo ka pasur konflikt tjetër. As nga ambasada e Zvicrës nuk janë dhënë sqarime, ndërsa kërcënuesi do të ballafaqohet me procedurat ligjore të ndëshkimit për kërcënim.