Kërkohej për vrasje në Kosovë, arrestohet në Gjermani

Në Kosovë, personin e ikur nga burgu, e pret një dënim prej njëmbëdhjetë vitesh heqje lirie

Në autostradën afër qytetit Piding policia gjermane ka kapur natën e të hënës një vrasës të kërkuar nga Kosova. Bëhet fjalë për një ndër rastet e rënda të ikjes nga burgu, shkruan bayernwelle.de.

Policëve që po e kontrollonin në imtësi një autobus turistik, u kishte rënë në sy një person 32 vjeçar. Pas hetimeve të mëtutjeshme, kishte rezultuar se bëhej fjalë për një të kërkuar në Kosovë për veprën e kryer penale, vrasje e rëndë.
Duke e kontrolluar çantën e tij të shpinës, policët kanë gjetur te kosovari një armë të mbushur, e cila, siç u dëshmua më pas, ishte një imitim i revoles që shërben vetëm për frikësim, transmeton albinfo.ch.

Për shkak se i përmenduri ndodhet para ekstradimit në Kosovë, në lëndën e tij është inkuadruar edhe prokuroria e përgjithshme.

Në Kosovë ate e pret një dënim prej njëmbëdhjetë vitesh heqje lirie.