Shkurt.ch
Këshilli Federal përcaktohet rreth iniciativës “Rasa”
Këshilli Federal e hedh poshtë shlyerjen e plotë të nenit mbi migracionin. Në vend të kësaj, ai kërkon që të shlyhet vetëm dispozita, në bazë të së cilës iniciativa kundër migracionit masiv duhet të fillojë të zbatohet në shkurt të vitit 2017
Këshilli Federal është përcaktuar për dy variante të kundërpropozimit direkt ndaj iniciativës “Jashtë nga qorrsokaku” (Rasa). Kjo iniciativë kërkon që të nxirren nga kushtetuta dispozitat e dala nga iniciativa kundër migracionit masiv, e SVP/UDC-së, e cila është votuar para dy vitesh.
Por, Këshilli Federal e hedh poshtë shlyerjen e plotë të nenit mbi migracionin. Në vend të kësaj, ai kërkon që të shlyhet vetëm dispozita, në bazë të së cilës iniciativa kundër migracionit masiv duhet të fillojë të zbatohet në shkurt të vitit 2017, thuhet në një komunikatë për media të lëshuar nga Këshilli Federal.
Varianti i dytë i propozuar nga qeveria e vendit është që gjatë drejtimit të saj, duhet të kihen parasysh marrëveshjet me bazë në të drejtën ndërkombëtare. Kjo duhet të respektohet për faktin se populli me të drejtë vote gjithnjë ka mbështetur marrëveshjet bilaterale.
Këshilli Federal është i mendimit se Zvicra edhe më tutje ka nevojë për marrëdhënie të mira dhe stabile me Bashkimin Evropian dhe për këtë arsye marrëveshjet bilaterale me BE-në duhet të vazhdojnë të mbeten në fuqi.
Në veçanti Këshilli Federal angazhohet për një shterim më efikas dje nxitje të potencialit vendor të fuqisë punëtore.
Dy dhomat e Parlamentit të Zvicrës më 16 dhjetor kanë miratuar ligjin orientues për nenin 121a të Kushtetutës Federale. Ky ligj është në përputhje me Marrëveshjen për Liri të Lëvizjes me BE-në por nuk e përfaqëson në mënyrë të plotë në kushtetutë nenin mbi migracionin.
Së këndejmi Këshilli Federal mbron qëndrimin se vendimi i parlamentit duhet të ketë parasysh mbrojtjen e marrëveshjeve bilaterale me rastin e drejtimit të migracionit nga hapësira e BE-së. Kjo mbrojtje duhet të pasqyrohet edhe në kushtetutën e vendit. Lidhur me këtë duhet të bëhet e mundur që të shprehen edhe qytetarët me të drejtë vote.
“Rasa” është iniciativë e marrë nga një komitet i përbërë nga intelektualë, artistë dhe politikanë të të majtës. Ata janë shprehur të indinjuar nga miratimi i iniciativës së SVP-së, e cila, sipas qëndrimit të tyre përbën një hap drejt izolimit të Zvicrës nga BE-ja dhe nga vlerat e njohura liberale.
E-Diaspora
-
Arnold “The Cobra” Gjergjaj triumfon në luftën e fundit Gjatë së shtunës Arnold “The Cobra” Gjergjaj triumfoi kundër Dennis Lewandowski. Kjo ndeshje e madhe u...
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
Jeta në Zvicër
-
Bernë: Parukierja me kombinim të pazakontë – prerje, larje dhe këshilla juridike Parukierja në Bernë, Geraldine Scherler ka “guxuar” me një kombinim të pazakontë. Pse të zgjidhni midis...
-
Zgjedhjet Evropiane 2024: Një e katërta e popullsisë zvicerane ka të drejtë vote
-
Zvicër: 26-vjeçari vozit me 161 km/h në zonën e kufizimit 80 km/h
-
AAK – dega në Zvicër zgjedh strukturat drejtuese
-
Incidentet raciste në Zvicër – në rritje, veçanërisht në shkolla