KFOR shton trupat në Kosovë

Foto: REL

Pas lëndimit të 30 pjesëtarëve të KFOR-it në veri të Kosovës, misioni ndërkombëtar ka vendosur të shtojë angazhimin e Forcës Operacionale Rezervë për Ballkanin Perëndimor.

Këtë e bëri të ditur NATO përmes një njoftimi në Twitter.

Pas përplasjes në komunën e Zveçanit me protestuesit serbë që kundërshtonin hyrjen e kryetarit shqiptar Ilir Pecit, është parë e nevojshme që të shtohen forcat.

Sipas NATO-s, vendimi për shtim të numrit të forcave është marrë, ashtu që KFOR-I të mund të garantojë sigurinë, në përputhje me mandatin që ka, përcjellë albinfo.ch.