KFOR shtron patrullimet në vijën kufitare Kosovë-Serbi

Komanda Rajonale e KFOR-it ka zhvilluar aktivitetin “Eagle Nine”, për të rritur praninë e saj përgjatë vijës kufitare administrative (siç e quan KFOR-i kufirin Kosovë-Serbi v.j).

Gjithashtu patrullime janë kryer edhe në disa nga zonat e thella të Kosovës.

KFOR bën të ditur se njësitet italiane të saj të përforcuara nga togat e Maqedonisë së Veriut, Shqipërisë dhe Moldavisë kanë kryer vrojtime përkatëse në veri të Kosovës, të mbështetura nga patrullimet ditën dhe natën në komunat e Istogut, Shtërpcës, Hanit të Elezit, Kaçanikut, Rahovecit dhe Dragashit, transmeton rtk, përcjell albinfo.ch.

KFOR-i rikujton se operon sipas mandatit të Rezolutës 1244 të Këshillit të Sigurimit të Kombeve të Bashkuara të vitit 1999, për të krijuar dhe siguruar një mjedis të sigurt për lirinë e lëvizjes për të gjitha komunitetet që jetojnë në Kosovë.