E-Diaspora
Kirurgu serb që u ofendua si “derri serb”, fiton padinë ndaj Swiss
Një kirurg serb i estetikës, në Beograd është ankuar për shkak të fyerjeve dhe ndalimit të fluturimit në kompaninë Swiss - dhe ka pasur të drejtë.
Kirurgu estetik serb, Marko Lens ka fituar të drejtë ndaj një padie që datonte nga viti 2011. Në një fluturim të kompanisë zvicerane Swiss, Lensi i cili gjithmonë fluturon ne klasën e biznesit, ishte i pakënaqur me shërbimin, siç shkruan “SonntagsZeitung”, njofton Albinfo.ch.
Një mosmarrëveshje në mes tij dhe një stjuardi u shkaktua, kur ky i fundit e quajti kirurgun një “derr serb”.
Por, situata nuk përfundoi vetëm me kaq. Dy vite më vonë, në Beograd, Lens takohet me personin përgjegjës për Swiss-in në Beograd, i cili ka pasur njëohuri për incidentin.
“Ju nuk dukeni si një derr, por ju jeni definitivisht një serb”, i kishte thënë ai në gjuhën angleze. Sipas Lensit, më pas ishin shkaktuar ofendime të tjera dhe ndalesë për të flutuaruar me Swiss.
Në Beograd, ai ngriti padi kundër Swiss dhe e fitoi lëndën. Tani, kompania ajrore zvicerane duhet t`i paguaj dëmshpërblim prej 5.000 frangash. Është më se e besueshme se dëmtimi i imazhit të kompanisë zvicerane do të jetë edhe më i madh. Gjykata e Beogradit ka vendosur që vendimi prej 12 faqesh të ribotohet plotësisht në gazetën serbe “Politika”, njofton më tej Albinfo.ch.
Çfarë ka ndodhur pikërisht midis kirurgut dhe punonjësve të linjës ajrore mbetet e paqartë. Marko Lens nuk është i vetëdijshëm për ndonjë sjellje të pahijshme.
Ai ishte sjellur gjithmonë si duhet dhe nga asgjë, ishte fyer në mënyrë racore. Versioni i tij i tregimit është konfirmuar nga dëshmitarët. Swiss është njohur me vendimin.
“Ne e respektojmë vendimin e gjykatës, edhe nëse nuk e shohim si të konfirmuar në opinionin tonë ligjor. Tani do ta shqyrtojmë në mënyrë të detajuar vendimin dhe do të vendosim për hapat e ardhshëm “, thotë një zëdhënëse.
“Por mund të jeni të sigurtë që Swiss merr parasysh vetëm rastet serioze, për të vendosur që një person për një kohë të caktuar, nuk ka më mundësi të rezervojë fluturime me ne”, ka pohuar më tej zëdhënësja.
E-Diaspora
-
Bizneset nga diaspora vizitojnë “Shtëpinë e Kosovës” Pas eventit të mbajtur dje në Prishtinë ku u bashkuan rreth 350 biznese nga diaspora dhe...
-
Shqiptari diplomon në Columbia University në Nju Jork
-
Bernë: Promovohet libri “Gazmend Zajmi – Një jetë për Kosovën” me autor Nuhi Bytyçi
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada
-
Regjistrimi i popullsisë: Diaspora mund të regjistrohet online deri më 31 gusht
Jeta në Zvicër
-
Bllokime të reja trafiku përpara tunelit Gotthard Trafiku është bllokuar sërish këtë të diel në autostradën A2, përballë tunelit të rrugës Gotthard. Rreth...
-
Zvicra vendosi të ndajë të dhënat e pasagjerëve të fluturimit me policinë
-
4% e shoferëve në Zvicër drejtojnë makinën nën ndikimin e alkoolit
-
Përmbledhje e lajmeve nga Zvicra për të cilat duhet të dini këtë javë
-
Në cilat punë në Zvicër punëtorët e huaj fitojnë më shumë se zviceranët?