Lajme
Zjarr në kishë, në natën e Krishtlindjes
Pas shuarjes në pasditen e djeshme, zjarri ka shpërthyer sërish në orët e vona të mbrëmjes. Me përpjekjet e njësive të zjarrfikësve, zjarri sërish është vënë nën kontroll
Gjatë ditës së djeshme, pikërisht në ditën në prag të natës festive të Krishtlindjes, Kisha Reformatore në Herzogenbuchsee ka qenë e përfshirë nga zjarri, shkrua srf.ch. Raportime të shumta kanë sjellë pamje nga djegia e saj dhe përpjekjet për ta shuar, transmeton albinfo.ch. Ndërkohë flakët kanë përshkruar dhe dëmtuar rëndë pirgun me kambanoren e kishës.
Pas shuarjes në pasditen e djeshme, zjarri ka shpërthyer sërish në orët e vona të mbrëmjes. Me përpjekjet e njësive të zjarrfikësve, zjarri sërish është vënë nën kontroll, njofton Policia Kantonale e Bernës.
Zjarri ka shpërthyer për herë të parë në mëngjesin e të martës. Në kohën e drekës, zjarri tashmë ishte nën kontroll, por ai ka shpërthyer sërish në mbrëmje, përcjell albinfo.ch. Gjatë përpjekjeve për shuarje, është rrënuar një pjesë e kulmit të djegur të kishës, duke u shkaktuar kështu një vrimë të madhe në çati.
Në aksionin e shuarjes kanë marrë pjesë 84 zjarrfikës. Njëri prej tyre ka pësuar lëndime gjatë përpjekjeve për të shuar zjarrin.
Dëmet e shkaktuara nga zjarri, ndonëse ende nuk është bërë vlerësimi, llogariten në disa miliona franga.
Autoritetet përgjegjëse thonë se kisha aktualisht do të mbahet e mbyllur.
Të ngjashme
Të tjera nga Lajme
E-Diaspora
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman Autorja prezanton në bibliotekën "Pestalozi", në Cyrih romanin e saj të sapobotuar "Die Töchter des...
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
-
Mërgimtari humb jetën në vendin e punës, në Maltë
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
Jeta në Zvicër
-
Zviceranët duan të ulin kostot e kujdesit shëndetësor Mbështetësit e UDC janë të vetmit që shprehen kundër modifikimit të ligjit federal për energjinë dhe...
-
Ish-presidenti thotë se Zvicra duhet të anëtarësohet në BE
-
Si të shpejtoni aplikimin tuaj për shtetësinë zvicerane
-
Amnesty International kritikon Zvicrën
-
Bazel: Dënohet me burgim të përjetshëm shqiptari për vrasjen e dyfishtë