Kjo është gjendja në pikat kufitare të Kosovës

Vazhdojnë pritjet e gjata të mërgimtarëve kosovarë në pikat kufitare me Serbinë

Bashkatdhetarët tanë, të cilët po kthehen në shtetet e Evropës Perëndimore, po vazhdojnë të qëndrojnë me orë të tëra në vendkalimet kufitare me Serbinë, në dalje të Kosovës, përcjell albinfo.ch.

Raportet e fundit nga Qendra Kombëtare për Menaxhim Kufitar tregojnë se pritjet më të gjata në dalje të Kosovës janë në pikën kufitare në Merdar dhe Jarinë.

Po ashtu, sipas Qendrës Kombëtare për Menaxhim Kufitar, pritja për të dalë nga Kosova këtë të hënë nga pika kufitare me Serbinë në Merdar është një orë e gjysmë. E për të hyrë në Kosovë përmes kësaj pike, qytetarët po presin nga 5 deri në 10 minuta. Ndërsa, kolona e automjeteve në këto momente është e gjatë afro një kilometër.

Gjithashtu, pritje deri një orë e gjysmë ka edhe në pikën kufitare Dheu i Bardhë. Atje udhëtarët duhet të presin 80 deri 90 minuta për të dalë nga Kosova, ndërsa kolona e automjeteve është 600 metra.

 

---