Kjo është paga marramendëse e Zlatan Ibrahimovic te Milani

Zlatan Ibrahimovic sipas të gjitha mediave italiane e ka pranuar ofertën e Milanit. Sulmuesi 38-vjeçar u ka thënë po Maldinit e Bobanit, që në orët e ardhshme shpresojnë të mbyllin përfundimisht marrëveshjen, duke përcaktuar detajet e fundit ekonomike me menaxherin Mino Raiola.

Ajo që mungon është vetëm zyrtarizimi dhe firma e kontratës në mes të dy palëve, përcjell albinfo.ch.

Sipas Sky Sport, siç raportoi të enjten, Ibrahimovic është pajtuar me afatin e kontratës në të cilën specifikohet periudha 6- mujore fillestare, mirëpo me mundësi vazhdimi edhe për një vit.

Futbollisti do të nënshkruajë për gjashtë muaj dhe do të fitojë mes 3 deri 4.5 milionë euro, shifra këto që janë jashtëzakonisht të larta për një futbollist që është pothuajse në përfundim të karrierës së tij. Kujtojmë që futbollisti ka qenë pjesë e klubit kuq e zi edhe më herët.