Lajme

Lopa e shitur 5 milionë euro, për këtë arsye

E shtunë, 20 Prill 2024 - 17:00 albinfo.ch

Libri i Rekordeve Guinness mbledh arritje të shumta interesante në një vend. Tani një lopë ka hyrë në atë listë, përcjell albinfo.ch.

Viatina-19, lopa e racës Nelore nga Brazili, është bërë lopa më e shtrenjtë e shitur ndonjëherë në ankand, shkruan “Economic Times”.

Lopët e racës Nelore kanë mish të cilësisë së lartë dhe shquhen për shijen e jashtëzakonshme.

“Njohja e Viatina-19 tonë të dashur nga Libri Guinness nuk është vetëm arritje personale, por edhe moment historik i jashtëzakonshëm në historinë e racës Nelore dhe përmirësimin gjenetik në tërësi”, ka thënë seleksionuesi Agropecuaria Napemo.

Kjo lopë theu Rekordin Botëror Guinness, pasi u shit për rreth 5 milionë euro.

Lopa Nelore karakterizohet nga ngjyra e bardhë, lëkura e butë dhe një gungë në shpinë.

 Të tjera nga Lajme

Shërbimet hekurudhore në Lucern janë të kufizuara ndjeshëm për shkak të një linje të dëmtuar

 E-Diaspora

 Jeta në Zvicër