Klinika Universitare“Kleper” e Linz-it ndihmon spitalin e Prizrenit

Klinika Universitare “Kepler” e Linzi-t ka dërguar një kamion me pajisje spitalore për të sëmurët e spitalit të Prizrenit

Një kamion 30-të tonësh është ngarkuar më pajisje spitalore dhe më datën 26 prill është nisur për në Kosovë. Përmes një aksioni të përbashkët humanitar spitali universitar “Kepler” i Linzit ka grumbulluar inventar dhe pajisje të përdorura, por shumë funksionale, të cilat mund të jenë në shërbim për të sëmurit e qytetit të Prizrenit, raporton oe-journal.at, përcjell albinfo.ch.

Në total janë 28 shtretër elektrikë spitalorë, me të gjitha pajisjet, 9 shtretër për bartjen e pacientëve, 3 karriga të pacientëve, dy shtretër për fëmijë, 50 shtroja për dysheme dhe 65 vitrina të vogla.

“Bashkëpunimi ynë me të gjithë ata që dëshirojnë t’ iu dalin në ndihmë të sëmurëve të vendeve në nevojë korrespondon me një traditë të mirë me ish-spitalin e përgjithshëm të Linzit, për të vazhduar tutje me Klinikën Universitare”, ka thënë drejtori i Klinikës Universitare Kepler, Karl Lenz.