Klubi letrar “Martin Camaj” fton krijuesit në manifestimin “Pranvera poetike”

Klubi letrar “Martin Camaj” në Mynih, për nder të manifestimit tradicional “Pranvera poetike” fton të gjithë krijuesit dhe artdashësit e fjalës artistike që jetojnë dhe veprojnë në landin e Bavarisë e më gjerë, të jetë pjesë e këtij manifestimi letrar, që do të mbahet më 30 qershor 2019, në orën 13:00. 

Ky manifestim do të mbahet në Rupprechtstr. 29, 80636 München (Haus der Jugendarbeit, kati i katërt– Arritja me U1, zbritja në Maillimgerstr. 

Në pjesën e parë të këtij manifestimi letrar do të ketë paraqitje të autorëve me krijimtarinë e tyre poetike, ku dhe do të ketë ndarje çmimi për poezinë më të mirë. Kurse në pjesën e dytë do të ketë  promovim librash nga autorët: 

Milazim Kajtazi me librin “Ëndrra e thyer”, ndërsa me vëllimin poetik prej 4 krijuesve “Psherëtima e mallit” vijnë Osman Caka, Rexhep Mehmedi, Bajrush Bunjaku dhe Haziz Hysa. Me librin historik „Skënderbeu në Historiografinë zvicrane“, të autorit Murat Ajvazi dhe me librin „Simfonia e qiellit të bruztë“ na vjen Azem Osmani, përcjell albinfo.ch. 

Klubi letrar “Martin Camaj” në Mynih mirëpret krijuesit dhe adhuruesit e fjalës së shkruar.