Kokëdhima: Edi Rama ishte një zhgënjim për shqiptarët

Kryetari i partisë “Zgjidhja”, ish-deputeti i PS-së, Koço Kokëdhima, është shprehur se kryeministri Edi Rama ishte një zhgënjim për shqiptarët.

Sipas tij, Edi Rama nuk mund të qeverisë me sinqeritet me askënd. “Rama ishte një zhgënjim jo vetëm për mua, por edhe për të gjithë shqiptarët. Marrëveshja me LSI-në nuk funksionoi. Për negociatat që Meta të bëhej kryetar i Kuvendit: Unë i kam sugjeruar Ramës që të mos përpiqet të bëjë gropa për të tjerët, sepse do bie vetë. Kam negociuar që energjitë të përdoren për qeverisjen e vendit dhe jo për luftëra për pushtet. Të tria partitë e vjetra nuk kanë hapësirë për mendimin ndryshe”, ka deklaruar Kokëdhima në emisionin “Opinion”, përcjell albinfo.ch.