Kompania që jep 4 javë pushim në vit për stafin e lodhur prej pandemisë

Nisma e veçantë e një kompanie me bazë në Londër

Punonjësit e FinnCap, një kompani në Londër, do të marrin pushime të pakufizuara duke filluar nga viti i ardhshëm- të paktën deri në 4 javë pushim në një përpjekje për të parandaluar lodhjen e stafit nga pandemia, shkruan The Guardian

Pas një viti të vështirë, që detyroi shumicën e punonjësve të punojnë me orë të zgjatura, kompania vendosi të ndryshojë politikën e saj. Punonjësit në kompani do të marrin 4 javë pushim në vit dhe 2 deri në tre ditë pushim pas 3 muajve.

“Të gjithë janë të rraskapitur nga dy vitet e fundit dhe kjo nuk mund të zgjidhet menjëherë,” tha shefi ekzekutiv i FinnCap, Sam Smith për Guardian.

Një numër i bizneseve amerikane, në veçanti firmat e teknologjisë, kanë prezantuar politika të ngjashme, por kjo është një lëvizje e pazakontë midis kompanive financiare. Në fillim të këtij viti, Nike, LinkedIn dhe aplikacioni i njohjeve Bumble u dhanë punonjësve të tyre një javë pushimi me pagesë, për të lehtësuar stresin e shkaktuar nga pandemia dhe për të punuar nga shtëpia.

Ky vendim është marrë për të lehtësuar presionin mbi stafin. Kompania ka rekrutuar më shumë se 30 njerëz që nga janari, në një përpjekje për të zgjedhur stafin e saj. Kompania gjithashtu ofron shërbime financiare dhe këshillimore për institucionet financiare, si dhe individët e pasur.

Madje FinnCap raportoi të ardhura rekord, duke rritur fitimin me 55% në 31.7 milion paund në gjashtë muajt deri më 30 shtator.

 

---