Kompanitë e transportit, të kënaqura: Të gjithë udhëtarët po mbajnë maska

Shumica e njerëzve ende i përmbahen detyrimit në fjalë, pavarësisht nxehtësisë që po mbretëron ditëve të fundit në Zvicër

Edhe sot, kur kanë kaluar më shumë se tri javë pas vendosjes së detyrimit të maskës në transportin publik, kompanitë e transportit janë kryesisht të kënaqura me disiplinën në popullatë, shkruan srf.ch.

Shumica e njerëzve ende i përmbahen detyrimit në fjalë, pavarësisht nxehtësisë që po mbretëron ditëve të fundit në Zvicër, transmeton albinfo.ch.

“Pothuajse të gjithë njerëzit po vendosin maska” thonë nga Autoriteti i Transportit në Cyrih. Vetëm disa njerëz të rrallë po udhëtojnë pa maska, thonë në ndërmarrjen e transportit publik në Bazel. Megjithatë, të dy operatorët gjithashtu vërejnë se disiplina ka njëfarë tendence të uljes në mbrëmje.

Bernmobil gjithashtu pajtohet me këtë vlerësoim. Gatishmëria për të mbajtur maskë është gjithashtu pak më e ulët gjatë fundjavave, transmeton albinfo.ch. “Ne vetëm mund të supozojmë se pasagjerët janë duke shkuar për t`u marrë me aktivitetet e tyre të  lira dhe mendojnë se vënia e maskës përbën një telash”, thotë një zëdhënëse.

Gjithashtu në SBB  janë fare të pakët pasagjerët që udhëtojnë pa maskë. “Pas këshillave miqësore të stafit tonë, njerëzit pa maskë e vendosin një ose spontanisht marrin ndonjë maskë nga udhëtarët e tjerë”, thotë ajo.

---