Konfirmohet: Zvicra në Top-10 të botës

Ashtu siç kishim paralajmëruar Përfaqësuesja e Zvicrës ka bërë përparime dhe ndodhet në vendin e nëntë në botë. Zvicra ka përparuar për dy vende, duke lënë pas Kombëtare shumë të forta si Spanja, Italia dhe Anglia

(KEYSTONE/Jean-Christophe Bott)

Ashtu siç ishte paralajmëruar , në listën e re botërore të FIFA-s ka disa ndryshime, raporton albinfo.ch.

Dhe ashtu siç kishim paralajmëruar Përfaqësuesja e Zvicrës ka bërë përparime dhe ndodhet në vendin e nëntë në botë. Zvicra ka përparuar për dy vende, duke lënë pas Kombëtare shumë të forta si Spanja, Italia dhe Anglia.

Ndërkohë, Shqipëria pas humbjes nga Italia dhe Bosnja Hercegovina, tani ndodhet në vendin e 66-të, duke rënë për 12 pozita.

Bie edhe Kosova, pas ngjitjeve të njëpasnjëshme në muajt e fundit. Përfaqësuesja e Kosovës e sheh veten në pozitën e 170-të pasi zbret gjashtë pozicione për shkak të humbjes 2:1 ndaj Islandës.