Ekonomia e Eurozonës shënoi rritje në nëntor të këtij viti

Ilustrim

Aktiviteti ekonomik në Eurozonë u rrit në nëntor në ritmin më të fortë këtë vit, vlerësoi të mërkurën një kompani kërkimore Markit, ndërkohë që rritja në periudhën e ardhshme do të mund të përshpejtohet edhe më tej, duke pasur parasysh fluksin e fortë të porosive të reja, përcjell albinfo.ch.

Indeksi i blerjes (PMI) në sektorin privat në Eurozonë u rrit në nëntor me 54.1 pikë, nga 53.3 pikë sa ishte në tetor, vlerësuan në Markit. Kjo është vlera më e lartë këtë vit, shtuan ata.
“Rezultatet paraprake të PMI-së në nëntor tregojnë rritjen më të madhe mujore të aktiviteteve të biznesit këtë vit”, deklaroi ekonomisti kryesor në Markit, Chris Williamson.

Aktivitetet e rritura me ritëm të njëtrajtshëm në sektorin e prodhimit dhe shërbimeve dhe në mesin e ekonomive kryesore Gjermania përsëri ka regjistruar një rritje të fortë, ndërsa në Francë aktivitetet janë përshpejtuar.

“Zyrtarët e Bankës Qendrore Evropiane (BQE) do të jenë të kënaqur për shkak të forcimit të qëndrueshëm të presioneve të inflacionit. Çmimet mesatare të shitjes së mallrave dhe shërbimeve u rritën në më shumë se pesë vjet, edhe pse rritja, në fakt, është shumë modest”, tha ekonomisti kryesor në Markit.