Konsullja e Kosovës, pjesëmarrëse në ceremoninë “Escalade” në Gjenevë

Pjesëmarrja e Konsulles së Republikës së Kosovës znj. Floreta Kabashi afirmon angazhimin diplomatik dhe prezencën institucionale të Kosovës në Gjenevë

Trupi konsullori i Republikës së Kosovës në Gjenevë  mori pjesë në ceremoninë tradicionale të Escalade, një ngjarje me rëndësi të veçantë historike dhe protokollare për qytetin.

Aktiviteti u zhvillua në prani të autoriteteve të larta kantonale, përfshirë znj. Ana Roch, Presidente e Parlamentit Kantonal, z. Alfonso Gomez, Kryetar i Komunës së Gjenevës, dhe znj. Marion Bordier, Shefe e Protokollit, duke reflektuar atmosferën e respektit institucional dhe bashkëpunimit ndërkombëtar.

Gjatë ceremonisë, Konusllja Kabashi mori pjesë në ritin simbolik të thyerjes së marmite de l’Escalade, së bashku me ish ministrin kantonal Dominique Föllmi. Me këtë rast, ajo u shpreh: “Është nder të marr pjesë në një traditë që mishëron vlerat e respektit, solidaritetit dhe dialogut diplomatik.”

Ceremonia shënoi një moment të rëndësishëm afirmimi dhe pranie të shtetit në skenën konsullore të qytetit.

 

---