Kosova çdo vit humb nga 500 kubikë lëndë drusore

Një studim i organizatës holandeze për zhvillim (SNV), në pyjet e Junikut rreth biomasës drunore, ka konstatuar se Kosova çdo vit humb nga 500 kubikë lëndë drusore.

Në takimin e parë informues, të organizuar në Junik, nga SNV-ja, në mes përfaqësuesve të institucioneve të komunave të Dukagjinit dhe shoqërisë civile, rreth këtij studimi që do të zgjasë deri nga mesi i shkurtit, u tha se vendi ka potencial të mjaftueshëm të biomasës drunore që do të mund të shfrytëzohej për industri të ndryshmem, shkruan Koha Ditore.

Haki Kola, drejtor i Projektit të SNV-së në Kosovë, ka theksuar se po përpiqen ta bëjnë një studim mbi zinxhirin e vlerave të drurit nga pylli deri te përdorimi i tij, duke e studiuar potencialin drunor.

Ndërkaq Mihallaq Qirjo, inxhinier pyjesh nga Korça, tha se ky studim merret për shfrytëzimin e dobishëm të biomasës së pyllit të njërit prej segmenteve që aktualisht në bazë të përdorimit tradicional të deritashëm është e papërdorshme, duke u lënë në pyll, e që potencialisht ka vlera të dobishme në drejtim të prodhimit të lëndëve të para për energji ngrohëse, siç janë ashklat, çipsat apo paletat.