Kosova drejt një izolimi të pjesshëm?

Ditëve të fundit ka ndodhur një shtim i numrit të rasteve të infektimeve me koronavirus në Kosovë. Andaj edhe nga organet kompetente është diskutuar të shkohet në izolim pas shtimit të rasteve me koronavirus.

Ministri i Shëndetësisë Armend Zemaj tha në RTK se për momentin kemi një situatë të menaxhueshme edhe pse kemi pasur rritje të lëhtë në dy-tre ditët e fundit e cila vjen nga pa kujdesia dhe mosrespektimi i masave anti covid, transmeton Albinfo.ch

“Jemi në situatë të menaxhueshme, kemi pasur një rritje të lehtë këto dy tre ditë, levizje ulje-ramje, por është shqetësuese për ne që numri po rritet nga pakujdesia dhe nga mos kujdesi i çdokujt në Republikën e Kosovës, duke filluar nga institucionet qendrore dhe lokale por edhe nga qytetarët të cilët janë obliguar t’i zbatojnë masat dhe ta ruajnë shëndetin e tyre”, tha Zemaj.

Por nëse rritet numri i infektimeve Zemaj tha se kanë planin e veprimit dhe poqëse vazhdohet me rritje të rasteve të infektimeve opsion mund të jetë edhe izolim parcial.

“Kemi ngritur të gjithë vigjilencën përmes mekanizmave mbikqyrës inpektoriate të Policisë së Kosovës, inpektoriate lokale të komunave. Kam aktivizuar edhe potencialin shtesë që e kemi në QKMF-të, shtabet emergjente do të thotë është një riorganizim që është duke u bërë që ta mbajmë këtë situatë dhe këtë kontrollë. Mbi të gjitha është thirrja që vazhdimisht duhet të kujdesemi, mos të kalojm në një lirim të tepruar i cili mund të na qojë në një situatë të rënduar siç ishtë në muajt paraprak. Po shihet se kemi rritje në çdo vend, Kosova po e ruan këtë stabilitet, Ministria e Shëndetësisë, Qeveria e Kosoës është duke ndërmarrë të gjitha masat e nevojshme. Kemi shembuj konkret që jemi dëmtuar në të kaluarën nga mokujdesi apo nga ndonjë masë e cila relativisht ka qenë e pa menaxhueshme në aspektin e ruajtjes së kësaj situate rreth Covid 19”, tha ai.

“Nëse paraqiten raste të shtimit të infektimeve, shembull ta marrim ditën e sotme, ku kishim 77 raste, edhe pse kishim ramje nga ditët e kaluara, nuk kishim asnjë vdekje dhe numër më të madh të të shëruarve. Sot dhe nesër do të analizojmë se nga po rrjedh ky infeksion dhe do të marrim masa adekuate qoftë edhe të izolimit parcial”,tha Zemaj.