Kosova e Lihtenshtajni, marrëveshje për migracion

Lihtenshtajni do të shqyrtojë mundësinë për punësimin sezonal të kosovarëve në këtë prinicpatë

Përfaqësuesit e Republikës së Kosovës dhe ata të Principatës së Lihtenshtajnit nënshkruan të martën një Memorandum Mirëkuptimit në fushën e Migracionit. Marrëveshjen e nënshkruan, ministri kosovar i Punëve të Brendshme, Bajram Rexhepi dhe ministri i Punëve të Brendshme nga Principata e Lihtenshtajnit, Hugo Quaderer.Ministri Rexhepi, fillimisht e falënderoi ministrin Quaderer për mbështetjen e vazhdueshme të Lihtenshtajnit, ndërkaq kërkoi nga mysafirët që të shikojnë mundësitë e migrimit të rregullt, që në mënyrë të kontrolluar qytetarë të Republikës së Kosovës të qëndrojnë për punë sezonale në këtë shtet.Ministri Hugo Quaderer, ndërkaq vuri në dukje se në Litehtenshtajn jetojnë afërsisht rreth 350 persona nga Republika e Kosovës dhe ata janë jashtëzakonisht mirë të integruar në shoqërinë e këtij shteti. Ai megjithatë e vlerësoi idenë e ministrit Rexhepi për punë sezonale të qytetarëve të Kosovës dhe premtoi se kjo kërkesë do të shqyrtohet në nivel të ekspertëve në identifikimin e profileve për punë të përkohshme në këtë shtet.