Kosova, e para në botë për mbështetje të SHBA-së

Kosova është radhitur e para në botë sa i përket mbështetjes ndaj SHBA-së për vitin e tetë me radhë – me 84% të të anketuarve që e miratojnë lidershipin amerikan.

Raporti përfshinë të dhëna të hollësishme nga 133 vende të ndryshme të botës.

Sa i përket lidershipit global, Gjermania është vlerësuar si vendi lider global – pra vendi më i admiruar në botë.

Në rezultatet e sondazhit të lëshuar nga Gallup të martën, Gjermania krenohet me një vlerësim të miratimit të lidershipit prej 46 për qind.

SHBA u rendit në vend të dytë me 41 për qind, Kina në vend të tretë me 30 për qind dhe Rusia në vend të katërt me 22 për qind.