Kosova e Shqipëria organizojnë seminarin e “Gjuhës Shqipe dhe Kulturës Shqiptare në Diasporë”

Qyteti bregdetar i Shqipërisë, Vlora, do të jetë nikoqir i seminarit të “Gjuhës Shqipe dhe Kulturës Shqiptare në Diasporë” që do të zhvillohet gjatë kësaj vere, shkruan albinfo.ch.

Ky seminar bashkëorganizuar nga Kosova e Shqipëria bëri bashkë në një takim ministren e Arsimit dhe Sportit të Shqpërisë, Evis Kushi dhe ministren e Arsimit të Kosovës, Arbërie Nagavci, si dhe zv.ministren e Punëve të Jashtme dhe Diasporës të Kosovës, Liza Gashi.

Gatë këtij takimi u ra dakord për organizimin e Seminarit të 16-të të “Gjuhës Shqipe dhe Kulturës Shqiptare në Diasporë” në Vlorë në datat 30 korrik – 2 gusht 2023, përcjell albnfo.ch.

“Gjithashtu u angazhuam të punojmë më shumë së bashku për mbështetjen e mësimit plotësues të gjuhës shqipe dhe kulturës shqiptare në diasporë nëpërmjet një analize të detajuar mbi kurrikulën dhe tekstet,” theksoi Kushi.