Kosova nga viti 2017 pa humbje

Keystone (AP Photo/Visar Kryeziu)

Kosova të enjten ka barazuar 2:2 me Danimarkën, në ndeshjen miqësore të zhvilluar në Prishtinë.

Tashmë Kosova e ka çuar në 11 numrin e ndeshjeve pa humbje rresht, përcjell albinfo.ch.

“Dardanët” nuk kanë pësuar humbje që nga 9 tetori i vitit 2017 kur u mposhtën nga Islanda me rezultat 2:0. Pra, më shumë se 500 ditë kanë kaluar që kur Kosova ka pësuar humbjen e fundit, qoftë në kualifikime apo në ndeshje zyrtare.

Prej emërimit të trajnerit Bernard Challandes, Kosova s’di për humbje.

Më 2018, Kosova ka fituar grupin e vet në Ligën e Kombeve me goldiferencë pozitive prej 13 golash.

Tani ka nisur vitin 2019 me një barazim në miqësore me Danimarkën, që renditet e 10-a në botë.