Kosova nuk i merr lojtarët e Shqipërisë

Kombëtarja e Shqipërisë nuk do të preket nga pranimi i Kosovës në FIFA dhe lojtarët kosovarë do të vazhdojnë me kuqezinjtë

Kosova i ka garantuar Shqipërisë se nuk do t’ia merr lojtarët e saj, dhe kështu beson edhe presidenti i Federatës Shqiptare, Armando Duka, shkruan albinfo.ch.

“Kam premtim dhe jam i sigurt për këtë, nga i gjithë stafi i federatës kosovare, që për ata është shumë e rëndësishme Kombëtarja e Shqipërisë. Në asnjë moment nuk do të kërkojnë ta cenojnë apo ta dëmtojnë atë. Dikush që mund të mos jetë i kënaqur, ose që mund të mos ndihet shumë mirë në ekipin tonë, apo nuk gjen një vend, mund të kërkojë të ikë. Por edhe ne nuk kemi dëshirë që ndonjë talent të na largohet. Megjithatë nuk do ta konsideroja dramë, nëse do të ndodhte një gjë e tillë”, deklaroi Armand Duka për mediat shqiptare.

Frika ka kapluar edhe Zvicrën, megjithatë, duket se futbollistët kosovarë do të vazhdojnë me Përfaqësuesen helvetike.