Kosova promovon ofertat turistike në Gjermani

Tetë operatorë turistik po marrin pjesë në panairin “ITB Berlin 2017”, që po mbahet në Berlin të Gjermanisë.

Kosova në këtë panair prezantohet në mesin e mbi 180 vendeve pjesëmarrëse.

Në shtandin e Kosovës së bashku me përfaqësuesit e KIESA-s, ofertat turistike po i promovojnë këta tour operatorë dhe agjenci turistike: “Kosova Holidays”, “Altavia Travel”, “Traveks”, “Vas Tour”, “Outdoor Kosovo”, “Fibula”, “Eurokoha” dhe “Catun”.

Pjesëmarrja e Kosovës në panairin “ITB 2017”, është organizuar nga MTI/KIESA, me mbështetje nga PPSE Program Swisscontact dhe Usaid – Empower Private Sector Kosovo.

Panairi është i hapur nga data 08 – 12 mars 2017.