Kosova shënon rritje industriale, prezantohen planet për mbështetjen e NVM-ve në 2026

Agjencia për Investime dhe Përkrahjen e Ndërmarrjeve në Kosovë (KIESA) prezantoi Performancën Industriale të vitit 2025 dhe planet për mbështetjen e Ndërmarrjeve të Vogla dhe të Mesme (NVM) për vitin 2026, gjatë konferencës së saj vjetore.

Kryeministri në detyrë, Albin Kurti, vlerësoi zhvillimet pozitive të vendit, duke përmendur uljen e krimit të organizuar, përmirësimin e sundimit të ligjit dhe forcimin e demokracisë. Ndërsa ministrja në detyrë e Industrisë, Ndërmarrësisë dhe Tregtisë, Rozeta Hajdari, nënvizoi rritjen e industrisë prodhuese dhe sektorit të shërbimeve, me fokus të veçantë në industrinë kreative, transmeton albinfo.ch.

Paneli i konferencës përfshiu drejtues të institucioneve kyçe, duke diskutuar mbështetjen financiare për bizneset në 2025 dhe planet për 2026, me qëllim fuqizimin e sektorit privat si shtyllë e zhvillimit ekonomik të Kosovës.