Futboll

Kosovare Asllani feston ndeshjen e 200-të me Suedinë

Futbollistja shqiptare, Kosovare Asllani ka bërë 200 ndeshje me Suedinë

E premte, 4 Korrik 2025 - 21:20 albinfo.ch
(AP Photo/Alessandra Tarantino)

Një nga futbollistet më të suksesshme në Evropë, pa dyshim është Kosovare Asllani.

Ish-fituesja e Këmbës së Artë dhe kandidate për Topin e Artë ka zhvilluar ndeshjen e 200-të me Suedinë në fitoren ndaj Danimarkës 1:0, shkruan albinfo.ch.

 

Kosovarja ishte kapitene e Suedisë duke asistuar në golin e vetëm në këtë ndeshje, që i solli tri pikë Suedisë në Kampionatin Evropian të Femrave, që po zhvillohet në Zvicër.

Pas ndeshjes ajo festoi me një fanellë numër 200 para tifozëve të Suedisë, në shenjë simboli për 200 ndeshje.

Sfida u zhvillua në Gjenevë.

Kosovarja është nga viti 2008 me Suedinë, duke shënuar edhe 48 gola, derisa ka marrë pjesë në Kampionate Evropiane, Botërorë e Lojëra Olimpike.

 Të tjera nga Futboll

Çdo kombëtare në Botëror fiton nga 10 milionë euro

 E-Diaspora

 Jeta në Zvicër