Kosovarët janë me Hillary Clintonin

Në afërsi të qendrës së Prishtinës, ndodhet statuja e Bill Clinton, kurse disa metra më poshtë është një lokal që shet rroba me emrin Hillary. Kosovarët e përkrahin gruan e ish-presidentit të SHBA-ve për zgjedhjet që do të mbahen

Kosova gjithmonë e ka falënderuar Amerikën për ndihmën që i ka dhënë gjatë luftës të zhvilluar para 17 vjetësh. Për këtë arsye në afërsi të qendrës së Prishtinës është ndërtuar statuja e ish-presidentit Bill Clinton.

Por, vetëm disa metra më larg, ndodhet edhe një butik, me emrin Hillary, apo në emër të gruas të tij, dhe kandidates për presidente të SHBA-së.

‘BBC’ ka realizuar një storie për këtë ngjarje, duke qenë edhe në këtë lokal që shet rroba, përcjell albinfo.ch.

Shitësja tregon se çfarë rroba shiten në këtë lokal, derisa gazetari flet edhe për Prishtinën dhe qytetarët e saj, që gjithmonë, e kanë përkrahur Amerikën, derisa këtë radhë do e mbështesin Hillary Clintonin për zgjedhjet në SHBA.

Më herët Hillary Clinton ka vizituar Kosovën, ku ka parë statujën për burrin e saj, si dhe lokalin në emër të saj dhe ka qenë e impresionuar me atë se çfarë kanë bërë për të dhe Bill Clinton.