Kosovari, miliona franga borxhe shtetit të Zvicrës

Foto: Blick

Ky është një ndërrim karriere sikur i bëhet në një libër fotografik: Nga prodhuesi i makinave Arton B. (29) u bë sipërmarrës i njohur në internet. Ai jeton jetën e tij në maksimum. Fotot e udhëtimeve në avionë privatë janë dëshmia e një jete luksoze. Ai gjithashtu ka shfaqur edhe një pasion për orët e shtrenjta dhe veturat luksoze. 

Por, kompania të cilën ai e udhëheq që ka në qarkullim 12 milionë euro, tashmë po raportohet se ka disa probleme. Për këtë Arton B. thotë se janë probleme që i kanë disa kompani, duke thënë se vetëm kanë vonesa në pagesa. 

Mirëpo, sipas raportimeve të Blick, transmeton albinfo.ch, Arton B. i ka plot 12  milionë franga zvicerane borxh shtetit. 

Sipas informacioneve të Blick, ka të bëjë me mashtrimin dhe pastrimin e parave. Fokusi është në veçanti në transferimin e  pesë milionë frangave të një biznesmeni, i cili dëshironte të investonte në këtë biznes. 

Ndryshe, kompania e tij ishte specializuar në kriptovaluta dhe kështu kishte sjellë një produkt të ri në treg, përcjell albinfo.ch. 

Për kompaninë e Arton B., emri i të cilit është ndryshuar nga gazeta, Zyra e prokurorit publik të Thurgaut tha se është e interesuar që të mësojë gjithçka rreth kompanisë, derisa kanë konfirmuar edhe një procedurë penale.