Kosovë: Arrestohet një serb i dyshuar për krime lufte

Policia e Kosovës ka njoftuar se Departamenti i Policisë kufitare, në bashkëpunim me hetuesit policorë nga Drejtoria për Hetimin e Krimeve të Luftës, kanë arritur që sot, në orët e pasdites, në Merdar ta lokalizojnë dhe ta arrestojnë të dyshuarin mashkull/serb, me iniciale (T.B.),viti i lindjes 1971, transmeton albinfo.ch.

“I njëjti dyshohet për veprën penale “Krime lufte kundër popullatës civile” të kryer gjatë viteve 1998-1999 në komunën e Vushtrrisë. Personi i dyshuar është dërguar në Polici dhe pritet të intervistohet në prezencë të avokatit mbrojtës, ku të gjitha procedurat e mëtejme do të ndërmerren në bashkërendim me organet e drejtësisë”, thuhet në njoftimin e policisë.