Kosova

Kosovë: Marrëveshje për mbrojtjen e fëmijëve

Ministria e Punës dhe Mirëqenies Sociale dhe organizata “World Vision” nënshkruan sot marrëveshje bashkëpunimi në fushën e mbrojtjes së fëmijëve.

Ujdia që u nënshkrua nga ministri i MPMS-së, Skender Reçica dhe drejtoresha e “World Vision”, Eljona Elmazi, ka për qëllim koordinimin e aktiviteteve që ndikojnë në përmirësimin e cilësisë së shërbimeve që ofrohen për grupet e cenueshme në nevojë, me theks të veçantë personat me aftësi të kufizuara dhe fëmijët me nevojë për mbrojtje nga dhuna, abuzimi dhe shfrytëzimi, shkruan kk, përcjell albinfo.ch.

Reçica e Elmazi u shprehën në mbështetjen që organizata po i jep MPMS-së, duke thënë se kjo marrëveshje do të shërbejë për avancim të shërbimeve sa i përket mbrojtjes së fëmijëve, sidomos nga të gjitha format e dhunës si dhe punëve të rënda.

 


LAJME INTERESANTE NGA INTERNETI