Kosovë, nisin “Ditët e Gjuhës gjermane 2015”

Ky program “Ditët e Gjuhës gjermane 2015” zhvillohet gjatë gjithë muajit maj, dhe synon t'u ofrojë gjuhën gjermane të gjithëve si fillestarëve ashtu edhe gjermanofolësve

Gjatë gjithë muajit maj, Ambasada Gjermane në Prishtinë së bashku me Ambasadën Zvicerane dhe atë Austriake, organizojnë “Ditët e Gjuhës gjermane 2015”. Ky program  që zhvillohet gjatë gjithë muajit maj, synon t’u ofrojë gjuhën gjermane të gjithëve si fillestarëve ashtu edhe atyre që e kanë gjermanishten gjuhë amtare.

Ky program fillon në javën e parë të muajit maj dhe zgjatë 24 ditë, dhe zhvillohet nëpër të gjitha komuna e Kosovës. E veçanta e gjithë kësaj është se ofrohen bursa për nxënës, bursa për studentë dhe shkencëtar, bursa për ekspertë të ardhshëm dhe mundësi për mësimdhënien e gjuhës gjermane, raporton Koha.net

Ambasadorja e Gjermanisë në Kosovë, Angelika Viets, në një nga fletushkat ku jepen informacione të shumta për bursa të ndryshme për studime në Gjermani, shkruan se arsimi është burimi i çdo shoqërie dhe baza për zhvillimin secilit vend.

“Arsimi i lartë në këtë mes ka një domethënie të veçantë, ai nga nxënës të përgjithshëm bën ekspertë në drejtësi, inxhinieri, matematikë, ekonomi apo gjuhë të huaja. Këta ekspertë kanë dijen e nevojshme për të udhëhequr apo për të themeluar ndërmarrje, për t’u dhënë mësim gjeneratave të reja në shkolla, apo, të përgatisin në aspektin profesional vendimet e ministrave në ministri të ndryshme”, shkruan ambasadorja Angelika Viets.

Gjermania, sipas saj, ka shumë universitete të mira me një numër të madh dhe të ndryshëm të drejtimeve, të cilat mund të jenë të përshtatshme për studime post-universitare.

Ndryshe, gjatë këtij muaji, shumë organizata gjermane, përmes broshurave informative dhe aktiviteteve në terren njoftojnë të rinjtë mbi mundësinë e përfitimit të një burse gjermane.

Është fondacioni “Europeans For Peace”, që ndan bursa për nxënës, “Shërbimi Gjerman për Shkëmbime Akademike” ( DAD), fondacioni “Alexander von Humboldt”, që ofron bursa kërkimore, “Erasmus Mundus”, që ofron kurse master dhe doktorate, janë fondacionet e njohura “Friedrich Erbert Stiftung”, “Konrad Adenauer Stiftung”…

Aktivitetet “Ditët e Gjuhës gjermane 2015” zhvillohen në për të pestin vit radhazi në bashkëpunim edhe më ambasadën Zvicerane dhe atë Austriake promovojnë gjuhën gjermane duke u dhënë mundësi qytetarëve të Kosovës, sidomos të rinjve që përmes bursave të ndryshme që ofrojnë organizatat gjermane, të studiojnë në shkollat dhe universitetet më të mira gjermanolfolëse