Kosovë: Numër rekord, konfirmohen 276 raste të reja me koronavirus

(Photo by Miguel MEDINA / AFP)

Gjatë 24 orëve të fundit, në Kosovës janë konfirmuar edhe 276 raste të reja me koronavirus.

Lajmin e ka bërë të ditur drejtori i IKSHPK-së, Naser Ramadani përmes një konference për media.

“Nga gjithsej 404 mostra të testuara, prej tyre 276 kanë rezultuar pozitive”, ka thënë Ramadani .

“Situata është tepër e rënduar. I ka rënduar të gjithë profesionistët shëndetësor. Kemi mbingarkesë. E gjithë kjo u bë për shkak të neglizhimit të trimasave që s’po respektohen edhe aq”, tha Ramadani.

Ndërsa, jane konfirmuar 153 pacientë të shëruar.

“Gjatë 24 orëve të fundit janë shëruar 153 pacientë, numri total i të shëruarve ka arritur në 4 mijë e 27 pacientë”, ka thënë Ramadani.

Vetëm gjatë kësaj periudhe 24 orëshe kanë ndërruar jetë 8 persona nga Covid-19, duke e dërguar numrin e të vdekurve në 185 persona.