Kosovë: Përdorimi i drogës, trajtim kërkojnë fëmijët 12-13 vjeç

(KEYSTONE/Martin Ruetschi)

Drejtori i Klinikës së Psikiatrisë në Qendrën Klinike Universitare të Kosovës, Faton Kutllovci, ka treguar se moshat që kërkojnë më shumë trajtime në këtë klinikë janë 20-40 vjeç.

Problemet më të zakonshme janë me ankth dhe depresion.

Për shkak të abuzimit me substanca psiko-aktive dhe droga, Kutllovci thotë se më së shpeshti trajtim kërkojnë moshat 12-13 vjeç.

“Personat që më së shumti kërkojnë trajtim janë moshat 40-45 vjet, kjo determinohet edhe nga lloji i shërbimeve ose çrregullimeve psikike me të cilat ballafaqohen. Në çrregullimet neurotike ku bën pjesë, ankthi, depresioni, çrregullimi i personalitetit janë kryesisht mosha të reja 20-40 vjeç, ndërsa ajo që bie në sy është numri i atyre që abuzojnë me substanca psiko-aktive, e që është në rritje numri i tyre që abuzojnë me këto substanca, por është duke rënë mosha, ndërsa dominon mosha 12-13 vjet kur të rinjtë fillojnë të abuzojnë me substanca psiko-aktive, apo me droga të ndryshme”, tregoi Kutllovci. /Frontonline