Kosovë: Sot fillon fushata zgjedhore

Sot fillon fushata e subjekteve politike për zgjedhjet e parakohshme në  Kosovë që mbahen më 28 dhjetor. Do të jetë kjo fushata e katërt zgjedhore në Kosovë gjatë këtij viti, përcjell albinfo.ch.

Pas zgjedhjeve parlamentare të 9 shkurtit dhe atyre lokale të 12 tetorit dhe 9 nëntorit, subjektet politike kërkojnë sërish mbështetjen e votuesve në zgjedhjet e parakohshme.

Në zgjedhjet parakohshme për Kuvendin e Kosovës marrin pjesë 24 subjekte politike, prej të cilave, 18 parti politike, 3 koalicione, 2 iniciativa qytetare dhe 1 kandidat i pavarur, ndërkaq numri i përgjithshëm i kandidatëve që garojnë për ulëse në Kuvend është 1,180 kandidatë. /Albinfo.ch