KQZ-ja sot shpall rezultatet përfundimtare

Keystone (AP Photo/Visar Kryeziu)

Komisioni Qendror i Zgjedhjeve në Kosovë ka njoftuar se sot, nga ora 18:00 do të bëhet shpallja e rezultateve përfundimtare të zgjedhjeve lokale të 12 tetorit.

Në anën tjetër KQZ-ja sot certifikoi edhe Listën Votuese për raundin e dytë të votimit për zgjedhjet e 9 nëntorit, teksa balotazhi do të mbahet në këto 18 komuna: Gjakovë, Gjilan, Dragash, Kaçanik, Klinë, Fushë Kosovë Mitrovicë e Jugut, Obiliq, Rahovec, Pejë, Prishtinë, Prizren, Suharekë, Viti, Vushtrri, Junik, Mamushë dhe Kllokot.

Numri i përgjithshëm i qytetarëve me të drejtë vote në raundin e dytë të zgjedhjeve në këto 18 komuna është 1 milion e 346 mijë e 397 votues, më i lartë në krahasim me raundin e parë, ky numër është më i lartë për 543 votues, transmeton albinfo.ch.