Integrimi
Krahasimi “shqiptar” i kryeministrit të Hesenit
"Një mësues shqiptar, në Gjermani si azilkërkues fiton për dy, tre ose katër muaj më shumë se sa në Shqipëri për dy ose tri vite”
Një deklaratë e kryeministrit të landit Hessen, Volker Bouffier ka ngjallur debat të përcjellë me mospajtime në mediet gjermane. Duke dashur të ilustrojë se sa fitimprurës është për një shtetas shqiptar qëndrimi si azilkërkues në Gjermani ai ka bërë një krahasim me të ardhurat e mësuesit në Shqipëri. Dhe këtu, si duket ai e ka “huqur” fare. Bouffier ka thënë se refugjatëve duhet t`u hiqen paratë e xhepit (Taschengeld) dhe në vend të tyre tu jepen gjësende.
Në këtë mënyrë do të ulet atraktiviteti i qëndrimit në Gjermani për azilkërkuesit ka thënë ai. Dhe pastaj ka shkrepur deklaratën që po bën bujë në shtypin e atjeshëm: “Fundja, një mësues shqiptar si refugjat në Gjermani fiton për dy, tre ose katër muaj më shumë se sa në Shqipëri për dy ose tri vite”.
Emisioni Tagesschau i televizionit publik gjerman ARD ka dashur ta vërtetojë nëse ky krahasim i kryeministrit qëndron ose jo. Për këtë ka pyetur në Ministrinë e Arsimit në Shqipëri. Dhe përgjigja ka qenë shkatërruese për kryeministrin e Hessenit: paga më e vogël e një mësuesi në Shqipëri është 300 euro ndërsa shumica e mësuesve fitojnë nga 400 deri 500 euro në muaj, sipas llojit të shkollës.
Në këtë mënyrë, nëse i krahasojmë këto të ardhura me ato që u jepen azilkërkuesve në Gjermani si para xhepi (rreth 146 euro në muaj) del se krahasimi çalon, pasi mësuesit në Shqipëri megjithatë marrin mesatarisht afër trefishit të asaj që mund të marrin si refugjatë në Gjermani.
Të tjera nga Integrimi
E-Diaspora
-
Sot shfaqet në Cyrih filmi “The Land within”, i regjisorit Fisnik Maxville Filmi shfaqet në kuadrin e festivalit të filmit "Kino Kosova" që po mbahet në kinemanë RiffRaff...
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
-
Kalabri - Itali
Gennaro Gattuso flet për rrënjët e tij në Kalabri
-
Gjermani
Iu dha lamtumira e fundit dje mërgimtarit nga Gjermania që humbi jetën në vendin e punës
-
Paris
Paris: Sukses i madh i filmit “Tashko & Koço”
Jeta në Zvicër
-
Nëntë kilometra bllokim trafiku përpara tunelit Gotthard Të shtunën ka pasur sërish bllokim trafiku para portaleve të tunelit Gotthard. Udhëtarët duhej të prisnin...
-
A është e ligjshme djegia e flamurit të Zvicrës?
-
Pesë lajme të mëdha nga Zvicra, për të cilat duhet të dini këtë javë
-
Bazel: Politikanët po bëjnë thirrje për mbajtjen e fëmijëve larg celularëve
-
Transmetuesit publikë zviceranë tërhiqen nga X/Twitter