Krimi nuk ka kombësi

Diplomat ne zyrën e tij në Bernë, ambasadori nënvizon marrëdhëniet e shkëlqyera mes Kosovës dhe Zvicrës

Naim Malaj, ambasador i Kosovës në Bernë, reagon ndaj fushatës aktuale  të UDC-së që fut në një thes bashkatdhetarët e tij dhe kriminelët.

Si reagoni ju ndaj fushatës aktuale të UDC-së kundër imigracionit që shfrytëzon  dhunën e ushtruar nga disa kosovarë ?

Ne mendojmë që shfrytëzimi i kronikave të zeza për  qëllime politike nuk është një zgjidhje e duhur. Krimi nuk ka kombësi. Aktualisht rreth 200 mijë kosovarë, ndër të cilët 50 mijë me dyshtetësi jetojnë në Zvicë,r të cilët e duan atdheun e tyre të pritjes. Të konsiderohen kosovarët si kriminelë të mundshëm kjo nuk i përgjigjet realitetit.

Pikërisht të konsiderosh një popull në këtë mënyrë gjatë një fushate, a nuk është ky një akt racist ?

Nuk më takon mua të gjykoj mbi ligjshmërine e një fushate politike në Zvicër, vend demokratik. Edhe nëse përdorimi i nje amalgame midis kosvarëve dhe një krimi të shëmtuar më shokon personalisht, sikurse prek në ndjeshmërinë e një numëri të madh të bashkatdhetarëve të mi.

Megjithatë, kosovarët që shkaktojnë kronika të zeza tragjike, shpesh citohen nëpër media, a ështe kështu ?

Sikurse thashë pak më parë, krimi nuk ka kombësi. Unë denoj me forcë aktet kriminale të kryera nga disa kosovarë. Pas agresionit të kryer në Interlaken, një përfaqësues i ambasadës sonë ka vizituar familjet e prekura duke ju shprehur  gjithë  simpatinë tonë.

Këto kronika të zeza a e dëmtojnë imazhin e kosovarëve në Zvicër ?

Pjesa më e madhe e qytetarëve të këtij vendi e kanë kuptuar që Kosova dhe Zvicra kanë marrëdhënie të shkëlqyera. Sa i përket perceptimit të kosovarëve nga zvicranët mjafton të përmendim lojtarët e ekipit kombëtar të futbollit si Xherdan Shaqiri, Admir Mehmeti, Valon Berhami ose Blerim Xhemajlin për të kuptuar se në ç’masë ky percpetim është i mirë.

Marrëdhëniet mes zvicranëve dhe kosovarëve a po përmisohen me kalimin e viteve ?

Jam ambasador që prej tre vitesh dhe vetëm gjatë kësaj periudhe kam mundur të jem dëshmitarë i daljes në skenë të Kuvendit të Shqiptarëve në Zvicer, Fondacionit për Zhvillim të Kosovës pa harruar Albinfon një agjensi shtypi që i dedikohet shqiptarëve dhe zvicranëve.

Një imigracion masiv i kosovarëve sikur po lë të nëkuptohet UDC-ja, a është një realitet prej të cilit Zvicra duhet të ketë frikë ?

Absolutisht jo. Kosova është një vendi sigurt. Kosovarët nuk mund të përfitojnë nga statuti i refugjatit, për më tepër që Kosova nuk bën pjesë në BE, kosovarët nuk mund të marrin lehtë leje të punës.