Krizë në Telekom, punëtorët nuk i marrin pagat

ATK ka riprogramuar marrëveshjen me Telekomin përmes së cilës do të bëhet pagesa e borxhit tatimor me këste

Një pjese të punëtorëve të Telekomit të Kosovës nuk u doli paga e muajit tetor, shkak për këtë është bllokimi i llogarive bankare nga ATK

Një pjesë e punëtorëve të Telekomit nuk kanë pasur arsye t’i ofrohen bankomatit në këtë fillimmuaji. Pjesës së menaxhmentit të kësaj kompanie publike nuk u kanë dalë pagat për muajin tetor.

E shkak për këto vonesa është bllokimi i llogarive bankare që Administrata Tatimore e Kosovës ia bëri Telekomit.

ATK ka riprogramuar marrëveshjen me Telekomin, përmes së cilës do të bëhet pagesa e borxhit tatimor me këste. Në këtë rast tatimpaguesi në fjalë obligohet që borxhin ta pagua brenda 12 muajve. Si rezultat i mosrespektimit të marrëveshjes që ka pasur më herët Telekomi me ATK-në, është bërë bllokimi i llogarive bankare, sipas dispozitave ligjore.

 

 

 

 

 

 

---