Kroacia nuk priste fitore kaq të thellë

Trajneri i Kroacisë, Ante Çaçiq tha se ekipi i tij erdhi për të luajtur me Kosovën dhe ia arriti qëllimit, fitoi 6:0, shkruan albinfo.ch.

Duke falënderuar Kosovën për mikpritje, Çaçiq tha në konferencën për media menjëherë pas ndeshjes se Manxhukiq në tri raste shënoi tre gola dhe tani mendojnë për ndeshjet e ardhshme.

“Nuk e kam prit një fitore të tillë. Kosova është ekip i ri, por ekipet tjera nuk mund të fitojnë lehtë nga Kosova”, u shpreh Çaçiq.

Mesfushori kroat, Mateo Kovaçiq, ka thënë se skuadra e tij nuk e kishte menduar se do fitonte me rezultat 6:0 kundër Kosovës.

“Më duhet të pranoj se nuk kemi pritur një fitore të këtillë”, ka thënë Kovaçiq pas ndeshjes.

“A kemi mundur të jemi akoma më bindës? Gjithmonë ka hapësirë për përmirësim, por tri pikët janë të rëndësishme dhe tash do të shkojmë në Finlandë.

“E dimë se nga Manxhukiqi mund të presim shumë, por edhe nga Kramariqi dhe Kaliniqi”.

“Duhet të rigjenerohemi për të dielën dhe në Finlandë t’i marrim tri pikët”, ka shtuar mesfushori i Real Madridit.