Kryemadhi: Projektligji i teatrit, grabit hapur

Sipas Kryetares së LSI-së, Monika Kryemadhit, projektigji për Teatrin Kombëtar grabit hapur pronën publike.

Kryetarja e Lëvizjes Socialiste për Integrim, Monika Kryemadhi, ka deklaruar në Kuvend se  “projektligji për Teatrin Kombëtar grabit hapur pronën publike”.

Ajo ka pranuar se opozita nuk i ka votat për ta rrëzuar projektligjin, por i ka kujtuar pushteti ngjarjet me tarifën në Rrugën e Kombit që bëri që ata të tërhiqen nga vendimi pas protestave të qytetarëve.

“Do të dëshiroj që ky Parlament të mos mbajë mbi shpatulla turpin e vjedhjes së pronës së shqiptarëve. Edhe ne si opozitë bëhemi pis, duam apo nuk duam, nga ky ligj hajdut”, ka thënë ajo.