Kryeministri britanik, i shqetësuar për situatën në veri të Kosovës

Keystone EPA/ANDY RAIN

Kryeministri britanik, Rishi Sunak, ka thënë gjatë një paraqitjeje para Komisionit të Ndërlidhjes së Parlamentit britanik se është i shqetësuar me situatën në veri të Kosovës.

Ai i bëri komentet i pyetur nga deputetët nëse ka dështuar parandalimi i tensionimit të situatën në Ballkanin Perëndimor, transmeton Albinfo.ch.

“Sunak thotë se është veçanërisht i shqetësuar nga situata në veri të Kosovës. Sekretari i Jashtëm u ka thënë kryeministrave të Kosovës dhe të Serbisë se kanë përgjegjësi për uljen e tensioneve”, citohet të ketë thënë Sunak.

Lidhur me misionin ushtarak të BE-së në Bosnjë e Hercegovinë, ai tha se Britania e sheh të njëjtin si qenësor për stabilitetin në rajon.

Ai u pyet nëse do të dërgojë një ndërmjetës special për procesin e paqes, ndërsa Sunak u përgjigj: “Mbretëria e Bashkuar do të ishte e hapur për një gjë të tillë, në një kohë kur mund të jetë e dobishme”./Albinfo.ch