Kryeministri i Shqipërisë e quan të turpshëm vendimin për shtyrjen e zgjedhjeve

Kryeministri i Shqipërisë, Edi Rama, edhe një herë ka komentuar vendimin e presidentit Ilir Meta për shtyrjen e zgjedhjeve të 30 qershorit.
Rama që është edhe kryetar i partisë më të madhe në Shqipëri, ka paralajmëruar edhe mundësinë e shkarkimit të Presidentit, transmeton albinfo.ch.
“Ajo që tha presidenti vlen, po aq sa sikur të kishte dalë dje dhe të thoshte anuloj ndeshjen Islandë-Shqipëri, do t’u jap të hënën arsyet pse. Ajo që ka bërë dje është përçarëse, është konflikt nxitëse, është nga pikëpamja politike një vetëvrasje, nga pikëpamja ligjore një nul zero akt, njëlloj sikur të kishte thënë anuloj ndeshjen Islandë – Shqipëri dhe nga pikëpamja morale është një trup i pashembullt që do t’i mbetet atij”, ka thënë Rama.

Rama shtoi se kjo u bë për të shmangur reformën në drejtësi.